Carcassonne

Nomita laŭ la sudfranca urbo Carcassonne, ĉi tiu germana ludo estis eldonita en 2001 kaj tiujare gajnis la du prestiĝajn premiojn Spiel des Jahres (ludo de la jaro) kaj Deutscher Spiele Preis (germana ludopremio). La ludo estas tre facile ludebla en Esperantujo, ĉar estas neniu teksto en la ludo mem; oni devas nur kompreni la regulojn (sube). La bazan ludon povas ludi inter du kaj kvin ludantoj, kaj la unua aldono “Tavernoj kaj Katedraloj” ebliĝas 6an ludanton - tamen la ludo pli bonas kun malpli da ludantoj.

La ludo konsistas el:

  • kartoj (72 en la baza ludo), kiuj montras pejzaĝon kun diversaj stratoj, urboj, kampoj kaj monaĥejoj
  • hometoj en diversaj koloroj
  • kalkultabelo

Reguloj

### Ideo de la Ludo ### La ludantoj metas kartojn por konstrui daŭre kreskitan mapon de mezepoka pejzaĝon, laŭnome de la areo ĉirkaŭ la franca urbo Carcassonne. Sur la kartoj troviĝas urboj, stratoj, kampoj kaj monaĥejoj, en kiuj oni povas meti hometojn por gajni poentojn. La ludanto(j) kun la plej multaj peontoj je la ludofino venkas.

La Komenco

Por komenci oni unue metu la komencan karton (kun malsama dorso) en la mezon de la tablo, kaj miksu la aliajn kartojn tiel, kiel la ludantoj ne povas vidi la pejzaĝajn flankojn - aŭ en sako, aŭ en stakoj, aŭ simple en la skatolo. Ĉiu ludanto elektu koloron kaj ricevu la 8 hometojn de tiu koloro: unu estu metita sur la nulan spacon de la kalkultabelo, kaj la aliaj 7 sur la tablon antaŭ si. Fine oni elektu startludanton laŭ interkonsento, kaj ludu laŭvice horloĝdirekte.

Je sia vico, ĉiu ludanto:

  1. devas preni karton de la stoko kaj meti ĝin sur la tablo
  2. rajtas meti hometon sur la ĵus ludita karto
  3. kontrolas, ĉu per la ludo de la karto finiĝas urboj/stratoj/monaĥejoj, kaj kalkulas ties poentojn

Preni kaj Meti Karton

Oni prenas karton de la stoko kaj montras ĝin al ĉiuj ludantoj, kiuj rajtas diskuti kaj konsili pri la eble “plej bona” loko por la karto. Poste oni metas la karton sur la tablon en laŭleĝa loko: almenaŭ unu rando devas tuŝi randon de jam-metita karto (ne sufiĉas angula kontakto), kaj ĉiuj randoj, kiuj konektas al alia karto, devas kongrui laŭ la stratoj, urboj kaj kampoj sur la kartoj. Kiam konektiĝas stratoj, urboj kaj kampoj, ili fariĝas unu pli grandan strato/urbo/kampo.

Se laŭleĝa loko ekzistas, oni devas meti la karton; se neniu ekzistas, oni forigu la karton de la partio kaj prenas novan.

Meti Hometon

Se oni havas hometon en sia stoko, oni rajtas meti unu sur la ĵus metitan karton. Oni rajtas meti la hometon sur:

  • urbon, kie ĝi fariĝas kavaliro
  • straton, kie ĝi fariĝas bandito
  • monaĥejon, kie ĝi fariĝas monaĥo
  • kampon, kie ĝi fariĝas kamparano (kaj oni metas ĝin surflanke anstataŭ surpiede)

Ne rajtas meti hometon sur areon, kiu jam havas hometon - sed eblas ke karto povas kunigi du apartajn urbojn, stratojn aŭ kampojn, kaj tiel povas esti pluraj hometoj sur unu areo.

Kalkuli

La lasta fazo de la vico estas kalkulado de poentoj, se la ĵus metita karto finas straton, urbon aŭ monaĥejon.

Por kompleta strato (kun vojkruco, urbo aŭ monaĥejo ĉe ambaŭ ekstremoj), oni gajnas po 1 poento por ĉiu karto, kiun kovras la strato. Do strato de 5 kartoj valoras 5 poentojn.

Por kompleta urbo (kun kontinue konektita rando kaj neniu mankanta karto en la mezo), oni gajnas po 2 poentoj por ĉiu karto, kiun kovras la urbo, kaj ankaŭ po 2 poentoj por ĉiu blazono sur urba karto. Do urbo kun 4 kartoj kaj 1 blazono valoras 10 poentojn.

Monaĥejo okupas nur unu karton, do nur unu hometo povas esti en ĝi. Kompleta monaĥejo, do, konsistas el la monaĥejo mem kaj la 8 kartoj tuj apud ĝi (laŭrande kaj laŭangule). Kiam la lasta el tiuj kartoj estas metita, la monaĥejo estas kompleta, kaj valoras 9 poentojn - 1 por la monaĥeja karto mem kaj po 1 por la apudaj kartoj.

Se nur unu ludanto havas hometo(j)n sur la kompleta strato/urbo/monaĥejo, tiu ludanto gajnas la poentojn de tiu areo. Sed se estas du aŭ pli ludantoj, tiu(j) kun la plej multaj hometoj gajnas la poentojn - do du ludantoj havas po 1 hometoj sur 4-karta strato, ambaŭ gajnos 4 poentojn. Sed se unu ludanto havas 2 hometojn, kaj la alia 1, nur la lundanto kun 2 hometoj gajnas poentojn - la alia gajnas nenion.

Rimarku ke la valoro de la strato/urbo/monaĥejo ne dependas de la kvanto de hometoj sur ĝi - nur de la kvanto de kartoj, kiun ĝi kovras.

Post la kalkulo, la hometoj de la kompleta(j) areo(j) revenas al siaj posendantoj.

La Fino

La partio finiĝas post la vico en kiu estas metita la lasta karto sur la tablon. Tiam okazas fina kalkulo.

Fina kalkulo de stratoj estas same kiel la kalkulo de kompleta strato: ĝi valoras po unu poento por ĉiu karto, kiun ĝi kovras.

Urboj valoras duone dum la fina kalkulo - do po unu poento por ĉiu karto kaj po unu poento por ĉiu blazono, kiujn ĝi kovras.

Monaĥejoj valoras po unu poento por ĉiu ĉeestanta karto el la naŭ bezonataj por kompleta monaĥejo.

Post la kalkulo de tiuj ĉi areoj, la hometoj estas forigitaj de la tabulo. Fine restas nur la kamparanoj. Kampo valoras po tri poentoj por ĉiu urbo, kiu tuŝas la kampon.

Se estas pli ol unu ludanto, kiu havas hometojn en la sama strato, urbo aŭ kampo je la fino de la partio, la poentoj estas dividataj same kiel dum la partio.

La ludanto(j) kun la plej multaj poentoj venkas!

Variantoj

En antaŭaj versioj de la ludo estis alia metodo kalkuli la valoron de kampoj - tamen tiuj versioj ne plu aĉeteblas. Rekomendas la aŭtoro uzi la novajn regulojn; la metodon klarigitan ĉi-supre.

Kelkaj ludantoj preferas doni al ĉiu ludanto ekzemple tri kartojn, inter kiuj ili elektas unu por ludi kaj tenas la aliajn en la mano, ĉiuvice prenante unu plian karton en la manon kaj ludante unu karton kiel kutime. Tamen ne rekomendindas fari tion, ĉar ĝi multe plilongigas la ludon (ĉar la ludantoj ĝenerale pli longe pensas), kaj pli-malpli forigas kelkajn interesajn strategiojn.

==Pliaj Informoj== Multaj informoj pri Carcassonne troviĝas ĉe ties (anglalingva) paĝo ĉe BoardGameGeek.

Ĉi tiu paĝo parte baziĝas sur la artikolo Carcassonne (ludo) de Vikipedio.


Copyright © Thomas Preece 2012. This work is licensed under a Creative Commons Attribution-ShareAlike 3.0 Unported unless otherwise stated.